Nú á næstu dögum mun Iceland Spa & Fitness opna nýja og glæsilega líkamsræktarstöð í sundlauginni hér á Eskifirði.

Í tilefni af því hefur Eskja ákveðið að bjóða starfsfólki félagsins niðurgreidd árskort í stöðina og munu kortin einnig gilda í aðrar starfsstöðvar Iceland Spa & Fitness sem eru eftirfarandi:

Baðhúsið, Brautarholti, Reykjavík - Heilsulind fyrir konur sem býður uppá líkamsrækt og spa

Aflhúsið, Reyðarfirði - þar er boðið uppá líkamsræktarsal, opna tíma og námskeið.

Betrunarhúsið, Garðatorgi, Garðabæ - Þægileg hverfisstöð

Þrekhúsið, Frostaskjóli við KR völlinn - Þægileg hverfisstöð í Vesturbænum

Sporthúsið, Dalsmára, Kópavogi - Alhliða líkamsrækt, þar er boðið uppá stærstu stundaskrá landsins, tækjasal, pott, gufur, skvass, körfubolta, fótbolta, körfubolta, Wellness Café (heilsubar), sólbaðstofa, hárgreiðslustofa & nuddstofa.

Þá veita kort hjá Iceland Spa & Fitness einnig aðgang í eftirfarandi stöðvar:

Ræktin, Akureyri

Sporthöllinn, Höfn

Það er von forsvarsmanna Eskju að sem flestir starfsmenn félagsins jafnt sjómenn sem starfsfólk í landi sjái sér hag í að stunda reglulega líkamsrækt sem stuðlar að betri heilsu og vellíðan.