Það var tignarleg sjón þegar uppsjávarfrystiskipin Aðalsteinn Jónsson SU 11 og Huginn VE 55 mættust í höfninni á Eskifirði. Aðalsteinn var að koma inn til löndunnar fullur af síld og makríl en Huginn á leið á miðin eftir að hafa landað fullfermi af síld og makríl til manneldis og afskurði í fiskimjölsverksmiðjuna á Eskifirði. Eins og sjá má á myndinni sem Hafsteinn Hinriksson viðhaldsstjóri fiskimjölsverksmiðjunnar tók eldsnemma um morguninn var alveg blankalogn og fjörðurinn spegilsléttur þegar tvö af glæsilegustu uppsjávarskipum flotans mættust.