Mjöl og lýsisverksmiðja Eskju hf. setti upp nýja bílavog fyrir neðan verksmiðjuna sem kemur til með að þjónusta mjölútskipanir á vegum félagins í framtíðinni. Það er mikil hagræðing fólgin í þessari framkvæmd því bílarnir hafa þurft að keyra langa vegalengd til að komast á hafnarvogina og út í mjölskip. Í framtíðinni mun keyrslan eiga sér stað á hafnarsvæði verksmiðjunnar og það mun einnig stuðla að meira umferðaröryggi á Eskifirði. Á meðfylgjandi myndum má sjá framkvæmdirnar.